Washington, Naiwieng:
Hadien katto katne sngi ba ka Polymarket ka la sam ïa ka jingthoh kaba don ïa ki kyntien pynïapher jaidbynriew, u Chief Legal Officer (CLO) jongka, u Neal Kumar, u la pynmih ïa ka kyrwoh. U Kumar u la panmap na ka bynta katei ka kam, da kaba ong ba ka kompeni ka shim ia ka jingkitkhlieh kaba pura na ka bynta ki kam jongka. La iathuh ba katei ka jingthoh jong u ha ka rynsan ‘X’ kaba la shah weng noh mynta, ka la pyndonkam ia ki jingkren beiñ jaitbynriew, katba ka kynnoh ia ki katto katne ki nongpyndonkam jong ka, kiba don ha India, Nigeria bad Turkey, ba ki leh mynleh kum ki kynthei.
“Ka jingthoh ha kaba sdang jong kane ka taiew na ka account jong ka Kompani bym dei kaba thikna kam long kaba lah ban pdiang bad ngi shim ïa ka jingkitkhlieh kaba pura.” Kumta ruh u la kular ba kum u nong India America, un wad bniah bad shim jingkit khlieh ban leh ia kaba donkam haba iadei bad kane.
“Nga la ju shem ba ka jingïateh lok ka kham treikam bha ban ïa ka jingbitar bad nga ngeit ba kane ka wan na ka jaka jong ka jingbym ïasngewthuh jingmut, ym na ka jingiashun. Ki jingïakren bym sngewtynnad ban sngewthuh iwei ïa iwei pat ka dei ka jingleh ban im bad ban ring mynsiem bad ngi la don kawei hangne ha kane ka taiew ban pynlong ïa ngi kiba kham khlaiñ. Ngi panmap na ka bynta ka jingsngewsih bad ngi aiti ban leh kham bha.”
Namar la ong ba u Kumar u dang pyrshang ban pynkut noh ïa katei ka jingïakynad, kaba la pynpaw ba katei ka jingthoh kaba pynïapher jaitbynriew ka wan na ka account ba la pynshisha ba ïadei bad ka Polymarket.
“Ka jingthoh pynïapher jaitbynriew ka wan na ka account ba la pynshisha ba ïadei bad ka Polymarket bad la pynmih biang da u William LeGate, u nongïalam jong ki ha ka roi ka par. Bad ka LeGate ne ka account ba tikna jong ka Polymarket kim shym la panmap; tang u CLO uba dei na India-America u ba la panmap,” la pule ïa ka jingthoh jong ka kynhun ki riew paidbah ha katei ka rynsan.
