Mawkyrwat, Naiwieng 30
Ka Hynñiewtrep Youth Council (HYC), ki Seng Longkmie, ki khynnah skul bad ki paidbah ha ka 29 tarik u Naiwieng ki la pynlong ïa ka jingïaid rally ha ka thaiñ South West Khasi Hills District halor ka jingshah batbor bad shah byrngem kawei ka heprit kaba dang 9 snem ha la u jong u panah.
Hadien ka jingïaid rally, ka la don ruh ka jingïalang, ha kaba ka Dorbar Shnong, ki sengbhalang, ki Seng Longkmie ki la pynrem jur ïa utei u briew bad ki la kyrpad ruh ïa ki bor jong ka aiñ ba kin ai ka jingpynshitom kaba tyngeh bad kyrpad ruh ban set phatok shi jingim ïa utei u briew.
Katkum ka ehajar ba la ujor da ka kmie jong kane ka heprit ha ka 13 tarik u Naiwieng 2025 ha thanad Mawkyrwat la ïathuh ba une panah u la batbor ïa la ka jong ka khun-ruit bad byrngem byrsit ba kam dei ban ïathuh briew.
Ha kaba ïadei bad kane ka jingjia, ki pulit ka thanad Mawkyrwat hadien ba ki la ïoh pdiang ïa ka ejahar ki la kem noh ïa une u briew ha ka 14 tarik u Naiwieng, 2025.
