Kyiv, Naiwieng:
U President ka Ukraine, u Volodymyr Zelensky, ha ka Sngi Thohdieng u la weng kam noh ia uwei na ki heh ba hakhlieh duh jong ka Ukraine, u Andriy Yermak, hadien ba ki kynhun syntiat ki la leit ban khynra ia ka iingsah jong u, ban pyndep ia ka kamram talasi bad ban khynra khnang ba yn lah ban ban rat-dyngkhong ia ka jingbamsap hapoh ka ri.
Ka jingshah weng noh jong u Yermak ka wanrah ïa ka jingshah pynshitom kaba khraw ïa u Zelensky, uba ïakynduh ïa ka jingshah thombor kaba nang jur jong ka Russia sha ki thaiñ Mihngi ha ka por ba ka America, ka paralok ba kongsan, ka la wanrah ïa ka jingthmu kaba phylla ban pynkut noh ïa ka thma ba khlem sangeh jong ka Russia.
Dang ha kane ka taiew ba ladep, u Zelensky, u la jied ïa u Yermak, 54 snem ka rta, kum u nongïakren ba ha khlieh duh jong ka Ukraine, ha ki jingïakren ba heh ban pynjanai ïa ka jingthmu jong ka US. Kata ka dei ka jingthep vote jong ka jingshaniah hapdeng ka jingpynbor kaba nang jur na ki nongïalam pyrshah ban weng noh ïa u heh shipai jong u uba pynïapher.
Ha ka step jong ka Sngi Thohdieng, ki nongtohkit na ka National Anti-Corruption Agency (NABU) ki la iathuh ba ma ka bad ka ophis jong ka Specialized Anti-Corruption Prosecutor ki la leit khynra ia ka ïingsah jong u Yermak kum shi bynta ban tih jylliew haba iadei bad kane ka jingtohkit halor ki kam bamsap.
U Yermak u la shah kynnoh ba u la bamsap ia ki pisa skhim kiba haduh $100 Million kiba dei jong ka tnat pynmih bor ding ba kongsan jong ka Ukraine, kaba la lap da ki nongtohkit ha kaba sdang jong une u bnai.
Kane ka mukotduma ka la pynmih ïa ka jingbitar jong ki paidbah ha ka por ba ka Russia ka dang pynthut ïa ka bording jong ka Ukraine, kaba la pynlong ïa ka jingduh bording bad ka la byrngem ïa ka jingpynlip bording ha ka por lyiur.
