Shillong, Nohprah 01
Ïa ka jingïakop mareh cross-country halor ka phang “Ong Em ïa U Drok ” la pynlong ban rakhe ïa ka World AIDS Day.
Ïa kane la pynlong da ka NPP Ïawmusiang Unit ha kaba la plie da u Waheh Chnong Mihmyn-tdu u Bah A. Phawa. Kane ka jingïakop mareh la sakhi ïa ka jingïashim bynta da palat 168 ngut ki nongmareh, kaba la sdang na ka pung Thadlaskein bad pynkut ha Chutwakhu Indoor Sports Hall.
Ki nongjop kynthei bad shynrang ki la ïohpdiang ïa ki khusnam pisa, ryngkat bad hynñiew ngut kiba la wan consolation. La sam ruh ïa ki khusnam pisa ba kyrpang sha ki nongïashim bynta kiba la kham rangbah bad kiba dangkhynnah tam.
