Shillong, Nohprah 01
Ka lympung ïalehkai First Division Football League 2025-26 ba la pynïaid da ka Tyrsad Area Sports Association (TASA) ka la nangjam shaphrang ha ka lah sngi U Blei ha kaba ka Umkaber SC ka la khur ïa ka jingjop.
Ha kane ka jingïakhun kaba la long ha madan Mawlum Tyrsad, ka Umkaber ka la pynliem noh ïa ka Kyrphei SC da 3-1 kol.
Ha kane ka jingïakhun ka Kyrphei ka la pynkhih jar nyngkong eh lyngba u Batskhemlang Nongbet ha ka minit kaba 28. Hynrei hasien shiteng kynta ka Umkaber kala lah ban pynphai lyngba u Janaising Marbaniang ha ka minit kaba 39 bad ïa ka kol kaba ar la thep da u Alfredroy Kharbteng (40). Une u rangïalehkai shakhmat u la thep biang sa shi kol ha ka minit kaba 67 jong ka kylla miet na ka bynta ban khur syndon ïa ka jingjop.
Ha kawei pat ka jingïakhun hapdeng ka Mawlum Tyrsad SC bad ka Perkseh SC ki la ïasam mar shi point hadien ba ki la ïakhaid mar 1-1 kol.
Kane ka lympung kan bteng biang ha ka 5 tarik ha kaba ka Umkseh SC kan ïakhun pyrshah ïa ka Mawphonghong SC ha ka por 11:30 mynstep, katba ka Nong -spung AYCSA ïa ka Tangshangkham SC ha ka por 2 baje nohphai sngi.
