Wales, Nohprah:
Kawei ka nonghikai skul jong ka ri Australia, ka la phla halor ka jingiathiah lok jongka da ki bun- bun sien bad uwei na ki khynnah skul jongka, ha kaba, ka la byrngem ia u ba um bit ban pyntip ne leit ujor sha ki bor pyniaid ne wat ha ki bahaiing- bahasem jong u.
Ia katei ka nonghikai la ithuh kum ka Karly Rae, kaba la don 37 snem ka rta bad kaba la shah khot hajir hakhmat ka ïingbishar ha ka Sngi Palei jong kane ka taïew ba la dep, ha ryngkat ki khun ba dang 8 taiew, i ba ka la pun na utei u khynnah skul bad ba ka la kha syndon sha kane ka sla pyrthei, ha kaba, ki bor ka aiñ ki pynrem ia katei ka jingleh jongka ba ka long ka jingpynkheiñ ia ka aiñ shongkha khynnah.
Ka Rae ka la phla ba ka la leh be-ijot ia u khynnah shynrang uba dang rit bun shah ia ka rta jongka, ka phla ruh ba ka la pyndonkam da ki buit bad ki rukom ba shyrkhei ban pynngop ia utei u khynnah bad ka la leh ia ka kam da ka jingthmu ban pynkylla ia ka lynti jong ka hok. Ka jingpynshitom la buh ha u bnai Lber.
Ka Rae ka la ïathuh ha ka ïingbishar ba ka la ïakynduh ïa utei u khynnah uba dang 15 snem ka rta ha u Risaw jong u snem 2024, ha ujuh hi u bnai ba la kem nyngkong ïa ka. Kine ki jingjia ki la jia ha ki jaka bapher ha Newcastle, New South Wales, ha kaba ka poi sah bad trei ia ka kam jongka, kum ka nonghikai.
La iathuh ba katei ka nonghikai, ka la pynbiej bad pynngop ia utei u khynnah pule jongka, lyngba ki jingthoh bad ki jingiakren lyngba ka rynsan Snapchat bad Instagram. Kitei ki jingkren jongka kiba ong “Lehse ngi lah ban iakynduh khatduh shwa ba ka samoi long skul kan kut noh. Ngan wanrah ia ki jinglehkai jong nga ban lehkai badphi”. Ha kawei pat ka jingphla, ka Rae ka la ong ba ka long ka jingpynshoi kaba jur ia ka, ba ka dei beit ban ioh leit ïakynduh ïa utei u khynnah bad ka la panmap namar ba ka la weng noh ia u nombor phone jong u na ka phone jongka hadien jong katei ka jingjia.
Haba jubab ia ka message jong utei u khynnah skul, uba la ai jingmut ba kin shu ia ‘delete’ iwei ia iwei pat na katei ka app, ka la jubab bad ong “Ka dei ka jingbakla jong nga. Ngan shim jingkitkhlieh kaba pura halor kaba la jia baroh. To leh ia kaei kaba phi kwah ne sngew donkam donkam.”
Hadien ba la pyllait jamin noh ia ka pat, la pharep ba ka Rae ka la phone bunsien ia utei u khynnah pule ha ka jingpyrshang jongka, ban phah ia u ba un sakhi lamler hapdeng ka jingphla jongki hakhmat ka iingbishar. “Haba la khot sha ka ïingbishar bad ba la iakren paidbah halor kane ka mat, la kynnoh ba ka Rae, ka la wadlad bad trei shitom ban pynbor ïa ki nongmudui ban ai ïa ka jingthoh kaba bakla shaphang katei kaba la jia baroh,” la ong u nongbishar ba dei khmih halor kane ka mat. La ong ruh ba utei u khynnah, u la iathuh ha la ka jong ka kmie shaphang ki jingjia hapdeng jong u bad katei ka nongbah bad uwei u para jong u uba la iohi ia ki katto katne ki jingiakren hapdeng jongki, hapoh social media bad u la pyntip sha kiba ha iing jong u halor kitei ki jinglap jong u baroh.
Ka Rae ka la shah pyllait jamin biang ha u bnai Jylliew namar ba ka la pun khun noh. Ha kaba sdang la buh ban shah bishar ha u Nailar 2026 hadien ba ka la sait-hok ba kam shym don kti eiei haba iadei bad katei ka kam, hynrei ka la pynkylla ia ka jingkynnoh jongka sha ka jingkynnoh ha ka taiew ba la dep. U nongïasaid aiñ jongka, u Mark Ramsland, u la kyrpad ba dei ban buh hakhmat eh ïa kane ka kam, namar ba ka Rae, ka leit sha kashari ryngkat bad i khunlung ba dang 8 taiew jongka.
Ka Rae ka la sait-thok ba kam shym don jingtip eiei ba utei u khynnah skul, u dei uba dang ha kitei ki rta ba dang rit bad ba dang hap hapoh jong ki rta ka jinglong khynnah. Hadien ba la pynngat kyndon ia ka, ka la duh noh ia ka kam hikai bad la hukum ia ka da ka ïingbishar, ba kan nym lah shuh ban iadon para marwei bad kino- kino ki khynnah shynrang kiba hapoh 16 snem ka rta.
