Khliehriat, Nohprah 01
Ka Rymbai Shkenshynriah ka la lah ban pynthikna ban jam sha ka final ha ka lympung ïalehkai Super Division Football Tournament ba la pynïaid da ka East Jaiñtia Hills District Football Association.
Kane ka la wan hadien ba ka la pynliem noh ïa ka Diengshynrum da 2-0 kol ha ka Qualifier-2 kaba la long ha madan artificial turf Diengshynrum, Khliehriat ha ka lah sngi U Blei.
Ïa kine ki kol la thep da u Ribiang Dkhar ha ka minit 43 bad Raplangki Lyngdoh ha ka minit kaba 90+5 na ka daw ba ka liang pyrshah kam shym la lah ban pynphai.
Te kumta ka Rymbai Shkenshynriah kan pynkhreh ïa ka jingïakhun final pyrshah ïa ka Sutnga SSCC kan long ha ka 6 tarik mynta u bnai ha ka por 1 baje mynsngi.
