Shillong, Nohprah 02
Ka kynhun ïalehkai ka Jylla ka la ïasam mar shi point bad ka Chhattisgarh ha kaba sdang ïa ka lympung ïalehkai National School Games 2025, hadien ba ki la ïakhaid mar 2-2 kol ha ka sngi Ba-ar ha Umarai, Madhya Pradesh.
Kat kum ki khubor, la ong ba ha kane ka jingïakhun ka Chhattisgarh ka la ïoh ban thep ar kol ha ka kylla step. Hynrei ka Meghalaya hapoh ka jingïalam u Bah Dapmon Tariang (coach), ka la lah ban pynphai kylla ar kol ha ka kylla miet lyngba u Nibait Lamare ha ka minit kaba 48 bad 56 na ka bynta ban ïakhaid mar ar kol.
Te kumta ka Meghalaya kan pynkhreh ïa ka jingïakhun kaba ar pyrshah ïa ka Haryana ha ka sngi Balang ha ka por 10 baje mynstep. Ha kane kajuh hi ka sngi ka Meghalaya kan ïakhun pyrshah ïa ka CISCE ha ka por 3 baje janmiet.
