Jowai, Nohprah 02
Ka kynhun ïalehkai jong ka Khimusniang SC kan mih madan ban aireng pyrshah ïa ka Demthring SC na ka bynta ban ïaknieh rung sha ka final ha ka Super Division Football Tournament ba pynïaid da ka West Jaiñtia District Sports Association (WJDSA).
Baroh ar tylli kine ki kynhun ki la long ba pynkhreh ïalade ban ïakhun ïa ka semi final kaba nyngkong ne ka qualifier-1 ka ban long ha ka 5 tarik mynta u bnai.
Katba ka Eliminator ne ka semifinal kaba ar kan long hapdeng ka Ladthadlaboh pyrshah ïa ka Mooknor Thadmuthlong ha ka sngi kaba bud kata ha ka 6 tarik.
Katba ka jingïakhun semi final kaba lai ne ka qualifier 2 kan long hapdeng ka kynhun kaba shah pynliem ha ka Qualifier 1 bad kaba jop na ka eliminator, ha ka 9 tarik.
Haba phai sha ka jingïakhun kaba khatduh jong kane ka wat kaba nyngkong kaba long ha ka sngi Ba-ar, ka Mooknor Thadmuthlong ka la pynliem noh da 2-1 kol ïa ka Ladthadlaboh. Ïa ki ar kol ka Mooknor la thep da u Sunidabiang Ymbon (58) bad u Rimiki Suchiang (65), katba ïa ka shi kol na ka Ladthadlaboh la thep da u Siewdorlang Nongtri (48).
