Srinagar, Nohprah:
Kumba la thmu, la ong ba ïa ka rel Vande Bharat Express ki la ai jingmyntoi ïa ki paidbah bad kane ka long hadien ba la pyntreikam ïa ki ha Katra bad Srinagar kaba pynduna ïa ka por leit jingleit hapdeng ka Jammu & Srinagar sha ka 3 kynta bad 10 minit.
Da kaba sdang ïa ka jingpeit bniah kaba khatduh ïa ka jingshngaiñ jong ka bynta jong ka Banihal-Katra kaba jrong 111 km ha ka thaiñ Jammu ba dang shna thymmai, ki nongleit jingleit lyngba ki rel ki lah ban khmih lynti ïa ka jingïakynduh ïa ka jingleit jingwan kaba pawnam ha ka pyrthei ha kane ka lynti ha kaba kut jong une u snem namar ba dang pynbha biang ïa ka jaka sangeh rel ha Jammu ban pyndap ïa ka da ki 8 tylli ki Platform bad ki jingdonkam kiba mynta, ong ka Myntri ka tnad Railway u Ashwini Vaishnaw ha ka kyrwoh khubor ba la pyllait.
Ka Jammu Srinagar Vande Bharat Express kaba don 8 tylli ki Coach hapdeng ka Katra sha Srinagar kan sdang ban ïaid shen.
Da kane ka jingkylla, ka jingap slem na ka bynta ka jingpynïasoh ïa ka rel hapdeng ka Kashmir Valley bad Jammu kan kut noh, la ong ka tnad Railway ha ka kyrwoh ba la phah.
Ka jingpyndep ïa ka bynta jong ka Banihal-Katra ka la long ka jingphylla jong ka jingstad ha kaba 97 km ka jingjrong ka dei ka thliew bad 7 km ka jingjngai la tap da ki 4 tylli ki jingkieng.
Kane ka jingshakri jong ka tnat ba dei khmih ka la ai jingmyntoi ïa ki nongshong shnong ha kane ka thaiñ.
