Shillong, Nohprah 03
Ka Meghalaya ka la lah ban pynliem ïa ka Aru-nachal Pradesh da 348 ron ha ka lympung ïalehkai U-19 Men’s Cooch Behar Trophy 2025-26 ha ka sngi kaba lai kaba la long ha madan ïalehkai kriket ka MCA, ha Polo.
Ban shu phai dien, ka Meghalaya ha ka pali ba nyngkong ka la lah ban kamai 205 ron, bad ka Arunachal ka la lah ban kamai tang 136 ron. Hynrei ha ka pali kaba ar, ka Meghalaya ka la lah ban kamai haduh 369 ron, bad ban buh kylla ïa ka thong pyrshah ïa ka Arunachal haduh 439 ron.
Ka pali wan tied kaba ar ka Meghalaya ka long ba u Angkit Tamang u la lah ban kamai satang 10 ron na kaei kaba u la lah ban ïalehkai bha ha ka sngi Ba-ar ha kaba u la run out hadien ba u la lah ban kamai 97 ron.
Watla katta kiba bun na ki nongïalehkai ka Meghalaya ki la lah ban pyndonkam ïa ka kabu ba ki ïoh na ka madan ïakhun, ha kaba kiwei pat ki rangïalehkai kum u Heiyoomiki Ryngkhlem (32 na ki 26 bol) bad Mewankitbok Kharpuri (27 na ki 16 bol), ki la seng ïa ka nongrim kamai kaba 50 ron na ka bynta ka wiket kaba phra, bad ka ban pynlong ïa ka Meghalaya ba kan jam ïa ka saw spah ron.
Kane ka thong ba ka Meghalaya ka la lah ba kan buh, ka kylla long kum ka thong ïa ka kynhun jong ka Arunachal ba kan lah ba kan kynjoh ïa ka bad hapdeng ka jingshah tynjuh bor bah, ha kaba 10 tylli ki wiket ki la lap ba hap lut noh tang hapoh ka 31 over.
Ki nongkawang bol ba la paw bha ïa ka Meghalaya ki kynthup ïa u Apandanka Marak (3/2) Gaurav Narleng (1/21), Angkit (2/18.) Mewankit-bok Kharpuri (4/18) bad ha kaba kut jong baroh ki pali jingïakhun, u Mewan-kitbok u la ïoh ban khur (7/49) na kane ka jingïakhun.
Da kane ka jingjop, ka Meghalaya kan bteng ba kan sah ha la ïing bad kan ap pat ïa ka jingwan ban ïakhun ka Nagaland ka ban sdang naduh ka 8 tarik mynta u bnai.
