Shillong, Nohprah 03
Ka BCCI ha ka sngi Balang ka la pyllait ïa ka kynhun ïalehkai T20I jong ka India na ka bynta ka jingïalehkai ha la ïing pyrshah ïa ka South Africa.
U Suryakumar Yadav u la shimti biang kum u kapten, ba kane ka jingleh ka la pynpaw ïa ka jingshaniah jong ki bor ba dei khmih na ka bynta ban pynwan dur ïa kane ka kynhun ïalehkai T20.
U Shubman Gill u la shah thung kum u vice-captain, katkum ka jingpynbna ïa ka jingkoit jingkhiah na ka Centre of Excellence jong ka BCCI, kaba pyni ïa ka jingthmu ba jrong jong ka board ban pynkhreh ïa u kum u nongïalam ha ka lawei ka ban wan.
Hapoh kane ka kynhun lakynthup lang ïa ki nongtied kum u Abhishek Sharma, Tilak Varma, Shivam Dube bad u Hardik Pandya. Ha ka liang ki ‘all-rounder’ ki long u Axar Patel bad u Washington Sundar ryngkat u Pandya bad u Dube.
Ha ka liang ki nongapwiket ki kynthup ïa ki ar ngut ki rangïalehkai ba kynsai kata u Jitesh Sharma bad u Sanju Samson. Ki nongkawang bol ki long u Jasprit Bumrah, Arshdeep Singh bad u Harshit Rana.
Ki kyrteng ki rangïalehkai na ka bynta ka T20I pyrshah ïa ka South Africa ki long u Suryakumar Yadav (C), Shubman Gill (VC), Abhishek Sharma, Tilak Varma, Hardik Pandya, Shivam Dube, Axar Patel, Jitesh Sharma (WK), Sanju Samson (WK), Jasprit Bumrah, Varun Chakaravarthy, Arshdeep Singh, Kuldeep Yadav, Harshit Rana bad u Washington Sundar.
