Shillong, Nohprah 03
U rangïalehkai phutbol barim ka England bad Premier League u la shah kem halor ka jingsuba ba u la thmu ban leh be-ijot.
Utei u runar, uba la ïalehkai teng ïa ka England ha ki snem 2010, u la shah kem ha Stansted Airport, ong ki khubor. La ong ba ïa mynta ym pat lah ban pynpaw ïa ka kyrteng jong u na ki daw kiba ïadei bad ka aiñ.
“La kem ïa uwei u briew namar ka jingsuba ba u la pyrshang ban leh be-ijot bad la ai jamin noh ïa u haduh ka tarik kaba kut jong u bnai Rymphang jong u snem 2026 katba ngi dang bteng ïa ka jingtohkit jong ngi,” la ong u nongaiktien jong ki pulit ka Essex.
La ong ba une u nongïalehkai u la shah pynsangeh ha kawei ka passport control point da ki bor pahara ka Border Force hashwa ba un ïoh ban kiew ha liengsuiñ ha ka Sngi U Blei.
Ki jingtip ba bniah jong u ki pyni ba la wad ïa u da ki pulit halor ka jingkynnoh kaba dangshen ba u la pyrshang ban leh be-ijot, la bynrap ki khubor.
