Khliehriat, Nohprah 04
Ka ïingkashari Special Judge (POCSO) East Jaiñtia Hills jong ka Kong B Khriam ka la pynmih ïa ka hukum ban set phatok haduh 15 snem ïa u runar uba kyrteng u Batista Paslein namar ka jingdonkti ha kaba leh beijot ïa kawei ka khynnah.
Kane ka rai pynrem pyrshah ïa une u runar ka long katkum ka kyndon 4(1) jong ka POCSO Act nalor ka jingdaiñ kuna kaba long T.50,000.
Kane ka case ka dei kaba la register hapoh Khliehriat Women Police Station, East Jaiñtia Hills, C/No. 52(12)2020 U/s 376(1) IPC R/w Sec 3/4 POCSO Act.
Ïa ka jingtohkit la pynlong da ka WPSI O. Tyngkan, bad hadien la pyndep ïa ka charge-sheet ha ka 14.04.2024 hapoh ka kyndon 3(a)/4 POCSO Act pyrshah ïa une u runar.
