Jammu, Nohprah:
Ka skulbah Parul ka shim ïa ka lyngkor katba u Captain Cool u poi ha ka jaka pule jong ka na ka bynta ka “Mission Possible 2025”. Da kaba pynkynmaw ïa ka por kaba kongsan tam ha ka histori jong ka, ka skulbah ka la pdiang sngewbha ïa u nongïalehkai kriket ba pawnam tam jong ka India, u M.S. Dhoni, haba pynmih ïa ka jingkynthoh ha ka ri baroh kawei, “Yahan Possible Hai”.
Ka janmiet ka la rakhe ïa ka jingangnud, ka jingkut jingmut bad ka bor jong ki samla pule ryngkat u rangkynsai uba pynpaw pyrthei ïa kine ki jinglong hi katba u dang ïashim bynta ha ka jingïakren kaba sani bha bad u Maniesh Paul ha madan jong ka Mission Possible 2025.M.S. Dhoni, u nongïalehkai kriket uba pawnam bad ka kyrteng kaba don ha lyndet jong ki jingjop ba pawnam jong ka India, u la ai mynsiem ïa ki pateng, da kaba pynlong ïa ki samla ban ngeit ba ym don kano kano ka jingeh kaba eh palat ban jop bad ba da ka jinglong shlur bad jingkut jingmut kaba khraw, kano kano ka lah ban long.
Ki jingjop kiba pawnam kiba la ïoh ki pynpaw ïa ka jingangnud jong ka skulbah ban ai ïa ki samla pule jong ka ïa kaba bha tam bad ban pynlong ïa man la ka mishon jong ki kaba lah ban long. Kum ka jingithuh ïa ki jingjop ba itynnad jong ki ha ka jingpule, la ai khublei ïa ki samla pule kiba la leh bha, kynthup ïa ki samla pule kiba ïoh ïa ki jaka ba heh bad kiba la pynrung ha ka tnat shipai India, da u M.S. Dhoni, uba shakri kum u dak jong ka jinglah bad ki jingjop kiba kham khraw.
Ka kynhun Armed Forces Motivational Cell jong ka skulbah ka la don ka bynta kaba kongsan ha kaba pynkhreh ïa ki na ka bynta ka jingjied bad thung kam jong ki. La ithuh bad ai khusnam ruh ïa ki samla pule kiba ïoh ïa ki jaka ba ha khlieh duh ha ki kompeni ba pawnam ha ka pyrthei bad ha ka ri ryngkat bad ki jingtyrwa ba kyrpang. 2 ngut ki samla pule ba la buh ha Microsoft, 6 ngut ba la buh ha Hashedin da ka Deloitte, 33 ngut ha Hexaware, 83 ngut ba la buh ha LT Mind Tree, bad ki samla ba la buh ha British Petroleum, Goldman Sachs bad Capgemini, la ai khublei na ka bynta ka jinglah jong ki.
