Shillong, Nohprah 04
Ïa ka jaka sah jong u Lat ka Jylla, kata ka Raj Bhavan ha Shillong la pynkylla kyrteng noh mynta bad yn tip noh kum ka Lok Bhavan, hadien ka jingbthah na ka Ministry of Home Affairs, ka Sorkar India bad u Lat ka Jylla Meghalaya.
Katkum ka jingpynbna ba la pynmih da ka Governor Secretariat ha ka sngi Palei la ong ba kane ka jingpynkylla kan treikam noh mardor bad baroh ki kam ba ïadei bad ka Raj Bhavan dei ban pule noh ka Lok Bhavan.
“Ïa ka Raj Bhavan, Shillong naduh mynta dei ban khot noh kum ka Lok Bhavan, Shillong,” ong u Principal Secretary jong u Lat ka Jylla u HC Chaudhary ha ka jingpynbna.
