Shillong, Nohprah 04
Ka Hill State People’s Democratic Party (HSPDP) ka la pynbna ba kan nym ïakhun satia ïa ka ilekshon sha ka Garo Hills Autonomous District Council (GHADC) lane wat ka ilekshon MLA ha Rilum Garo, da kaba pynpaw ba ka la don ka jingïateh kular bad ka Garo National Council (GNC).
Haba kren sha ki nongthoh khubor ha ka sngi Palei, u President ka HSPDP Bah KP Pangniang u la ban ba ka jingkut jingmut jong ka seng ka long ban ïasnohktilang ha ka jingdawa ïa la ka jong ka Jylla kata ka Garoland bad Khasi-Jaiñtia.
“Ngi la dep ban shim rai ba ngim kwah ban pynïar ïa ka seng jong ngi sha ka thaiñ Rilum Garo, bad ruh ba ka GNC kan nym pynïar ïa la ka seng sha ka Rilum Khasi-Jaiñtia,” u la ong.
U Bah Pangniang u la batai ba ïa kane ka rai la shim ban kyrshan ïa ka jingdawa kaba mar kylliang.
“Ka seng ka kwah ban kyrshan ïa ka jingdawa Garoland, bad ha kajuh ka por, ki paid nongshong shnong jong ka Rilum Garo, khamtam hapoh ka jingïalam jong ka GNC, ki kwah ban dawa ïa ka Khasi-Jaiñtia State,” la ong u Bah Pangniang.
