Shillong, Nohprah 04
Ka Shillong Sports Association (SSA) ha ka sngi Palei ka la pynlong ïa ka jingïalang hapoh ka shlem treikam jong ka halor ka jingkhlad noh u Bah R.A Lyngdoh, uba long u Vice-President jong kane ka synjuk.
U Bah R.A Lyngdoh, uba la khlad noh ha ka janmiet jong ka sngi Palei, u la long u briew uba paw bad dangshen u la don bynta ha ki jingïalehkai phutbol ha ka thaiñ. U la long ruh uwei na ki nongseng ïa ka Shillong Lajong Football Club.
Te kumta ka SSA hapoh ka jingïalam u President u Bah Banteidor Lyngdoh (MLA), ka la pynlong ïa ka jingïalang hynne ka sngi ha kaba la ïadonlang ki Vice-Presidents ka SSA, u Assistant General Secretary, Treasurer bad ki dkhot jong ka council.
