Shillong, Nohprah 04
Ka East Bengal ka la lah ban pynthikna ban jam sha ka final ha ka sien kaba lai ha ka AIFF Super Cup, hadien ba ka la pynliem noh ïa ka Punjab FC da 3-1 kol ha ka sngi Palei ha PJN Stadium kaba ha Fatorda, Goa.
Kane ka long ka sien kaba ar ban rung final mynta ka aïom hadien ba ka la shah rem noh ha ka IFA Shield ha ka Mohun Bagan SG.
Ha kane ka jingïakhun semi final kaba nyngkong, ka East Bengal ka la pynkhih jar nyngkong ha ka minit kaba 12 lyngba u Mohamad Bashim Rashid hashwa ba u Daniel Ramirez un pynphai kylla lyngba ka penalty ha ka minit kaba 34 na ka bynta ka Punjab. Hynrei u Kevin Sibille u la thep ïa ka kol kaba ar na ka bynta ka East Bengal ha ka minit kaba 45+3 hashwa ba u kapten u Saul Crespo un pynbud sa kawei pat ka kol ha ka minit kaba 71 bad ban khur syndon ïa ka jingjop
Lyngba kane ka jingjop, ka East Bengal kan pynkhreh ban ïaknieh nam lahduh pyrshah ïa ka FC Goa, kaba la jop da 2-1 kol ïa ka Mumbai City ha kawei pat ka jingïakhun semi final kaba ar.
