Shillong, Nohprah 05
Ka Mawponghong SC bad ka Rangshangkham SC ki la khur jingjop ha ka lympung ïalehkai First Division Football League 2025 ba la pynïaid da ka Tyrsad Area Sports Association (TASA) ha ka sngi Thohdieng.
Ha ka jingïakhun kaba nyngkong kaba la long ha madan Mawlum Tyrsad, ka Mawponghong ka la pynliem noh ïa ka Umkseh SC da 2-1 kol. Ha kane ka jingïakhun ka Mawponghong ka la ïoh ban pynkhih jar nyngkong da u Precious Jala ha ka minit kaba 18 bad u Smander Lyngdoh ha ka minit kaba 82 jong ka kylla miet. Na ka liang ka Umkseh ka la pynphai kylla shi kol lyngba ha ka minit kaba 87 lyngba u Tyngshaiñ Umdor.
Haba phai sha jingïakhun kaba ar, ka Rangshang -kham ka la jop da 1-0 kol ïa ka Nongspung AYSCSA. Ïa kane la thep da u Phrangstar L Nonglait ha ka minit kaba 80.
Kane ka lympung kan bteng biang ha ka 9 tarik ha kaba ka Umkaber SC kan ïakhun pyrshah ïa ka Thainthynroh SC ha ka por 11.30 mynstep, katba ka Wahlyngkien Sunei SC ïa ka Mawlum Tyrsad SC ha ka por 2.30 nohphai sngi.
