Shillong, Nohprah 05
Ka kynhun ïalehkai karate ka Jylla hapoh ka lama jong ka All Meghalaya Karate-Do Association (AMKA) ka la lah ban pynpaw ïa ka jingtbit da kaba khur haduh 20 tylli ki takma ha ka 4th All India Inter-Zonal Karate Championship 2025 kaba la long ha Talkotara Stadium, New Delhi.
Ha kane ka lympung kaba la long ha ka 1 bad 2 tarik mynta u bnai, ka Jylla ka la khur kawei ka takma ksiar, 5 ki rupa lem bad 14 tylli ki takma rnong. Ïa kane ka kynhun la ïalam da u coach u Bah Donboklang Lyngdoh ha ryngkat ka jingsynran lang da u Mingson Rymbai.
Ïa ka takma ksiar la khur da ka Barisha Kharbani ha ka Womens Ind Kumite jong ka 61Kg. U Paul Danny Kharmudai u la khur ïa ka takma rupa ha ka Mens Ind Kumite 60Kg bad takma rnong ha ka Men Ind Kata. Kumjuh u Ïalamphang Kharkongor u la khur ïa ka takma rupa ha ka Mens Ind Kumite – 75 Kgs, ryngkat u Savio Bakynsai Majaw ha k 13 Years Male Kumite 40Kg, Fadrik Wanñiang ha ka Boys 12 – 13 Years Ind Kumite 45Kgs bad ka Phidaiakashisha Lyngdoh ha ka Girls Junior Ind Kumite 53Kgs.
Katba ïa ki takma rnong la khur da u Arkindapura Buhphang ha ka 12 Years Male Kumite -45Kg, Aventi-nus George Mylliem ha ka Boys Junior Ind Kumite 61 Kgs, Gideon Tympuiñ ha ka Mens Ind Kumite 60 Kgs, Naomi Y Sylliang ha ka 12 Years Female Kumite -45Kg, Xenia Rose Nongsiej ha ka Girls Cadet Ind Kumite – 42 Kgs, Sandameka V Langstieh ha ka Girls – 21 Ind Kumite – 50 Kgs, Daïarisa Nongrum ha ka Girls – 21 Ind Kumite – 55 Kgs, Carenia Rapthap ha ka Girls – 21 Ind Kumite – 61 Kgs, Carene Sohïong ha ka Womens Ind Kumite – 55 Kgs, Thekho Keyao ha ka 10 Years Male Kumite -25Kg, Adrial Kharjana ha ka 11 Years Male Kumite -25Kg, Wilson Mylliempdah ha ka U-21 Male Kumite 50 Kgs bad u Nathaniel Levin Suting ha ka 13 Years Male Kumite -50 Kgs.
Kat kum ka kyrwoh ba la pyllait da u General Secretary ka AMKA u Bah Ksan Kupar Warjri, u la pynpaw na ka liang ka synjuk ka la pynpaw ka jingai khublei ïa ki khynnah halor kane ka jinglah ban ïalehkai bha bad ban wanrah burom ïa ka Jylla da kaba takma haduh 62 tylli ki takma.
