Shillong, Nohprah 07
Ka lympung ïalehkai Cricket League 3rd Div ba la pynlong da ka Shillong Cricket Association 2025, ka Storm Breakers ka la ïakhun pyrshah ïa ka Risers CC. Ha ka jingkynting pisa la ïoh kam trai da ka Risers CC bad ka la jied ban tied hadien.
Ka Storm Breakers ka la kamai 130 ron ha ki 16.2 over na ki 10 wiket. U Suraj Chettri u la tied 20 ron na ki 19 bol, katba u Mustafa Ali u la kawang bol na ki 4 over bad ïoh pynhap 4 wiket.
Katba ha ka kylla ban beh thong ka Risers CC ka la kamai 116 ron na ki 7 wiket ha ki 20 over. U Vikram Prasad u la kamai 43 ron na ki 36 bol. Katba u Rahul u la ïoh pynhap 2 wiket na ki 4 over.
Ka Storm Breakers ka la jop ha kane ka jingïakhun da 14 ron. Ïa ka nam ‘Player of the match’ la ïoh da u Shiva Sagar u ba la ïoh khur 2 wiket bad kamai 11 ron.
Katba ha kawei pat ka jingïalehkai ka AGES ka la ïakhun pyrshah Ïa ka BSF warrior. Ka BSF warrior ka la ïoh kam trai ha ka jingïakynting pisa bad ka la jied ban tied nyngkong.
Ka BSF warrior ka la kamai 120 ron na ki 9 wiket ha ki 20 over. U Abhishek Kumar u la tied 44 ron na ki 41 bol bad u Bobier u la ïoh khur 2 wiket.
Ha ka beh ïa ka thong ka AGES ka la lah ban ïoh da 123 tang na ki 5 wiket ha ki 16.2 over. U Kroney B Marak u la tied 44 ron na ki 36 bol. U Saurabh Singh u la ïoh pynhap 2 wiket.
Ha kaba kut ka AGES ka la jop da 5 wicket, bad ïa ka nam ‘Player of the match’ la ïoh da u Bobier uba la khur 2 wiket.
