Shillong, Nohprah 07
U President ka Hynñiewtrep Youth Council (HYC) Bah Roykupar Synrem, u la pynrem jur ïa ka Sorkar Jylla kaba ju kynmaw ïa ki mat jingdawa tang ha ki por shwa ka ilekshon.
“Ka Sorkar ka kynmaw ïa ki mat jingdawa tang shi sien san snem, la ka long naduh ka jingdawa ïa ka ka Inner Line Permit (ILP), ka Themmetor, ka jingdawa pynrung ïa ka ktien Khasi ha ka khyrnit kaba phra bad ka mat ha kaba ïadei bad ha Lum Survey nalor kiwei kiwei de”, la ong u Bah Roykupar Synrem haba ïakren bad ki lad pathai khubor.
U Bah Roykupar u la ong ruh ba ngin nym klet ïa kine ki mat jingdawa jong ka seng bad ngin ïai pynkynmaw na ka por sha ka por ïa ka Sorkar.
“Ngin sa shim ruh ki lad ki lynti lada donkam ban pynkynmaw bad pynkyndit ïa ka Sorkar”, u la ong.
Haba kylli, u la ong, “Kum ka seng ngin nym hun ïa ka jingleh ka Sorkar, da kaba shu kular ban sa leh, hynrei ki kam pat kim urlong. Ngi la dep ïa
Ka Sorkar ka kynmaw tang ha ki
kynduh ïa ki bor Sorkar bad ngi la dep ai ruh ka jingthoh sha u Myntri ba khmih ïa tnad kam pohïing hynrei haduh mynta la ïaid la shi snem tam ei-ei ki kam kim shym la urlong satia”.
“Mynshwa tang da ki dkhot ka seng ba leit kyndang ha Lum Survey hynrei lada jia ba ka Sorkar kam pat leh ei-ei ki paidbah nongshong shnong baroh kin sa mih paidbah ban leit kyndang, namar ka jaka ha Lum Survey ka dei ka jaka kaba la ktah ïa ki paidbah jong ka Jylla.,” la bynrap u Bah Roykupar.
