Shillong, Nohprah 07
U Bah Process T Sawkmie, MLA barim ha ka sngi Thohdieng ka 05 tarik u Nohprah u la ïakynduh ïa ki khun samla bad u la ïoh ban ïakren bad ki halor ka jingeh haba ïadei bad ka ïohkam ïohjam jong ki ha kine ki sngi.
Kumta haba ïadei bad kane ka jingkyrduh kam, u Bah Process u la kyntu ïa ka Sorkar ba kan ‘regularize’ ne thungkam pura noh ïa baroh ki casual bad ban ïatai ïathir bha ruh ïa ka roster system khnang ban ïa biang lang baroh.
Naba kumba ka long mynta, ki Khasi Jaiñtia ki duh nong bha na ka roster system, ong u Bah Process.
Ha kajuh ka por u kyntu ruh ïa ki MLA kiba don ha ka Sorkar bad wat shabar kin shimkhia haba ïadei bad ka roster system, kaba ktah bha mynta.
