Shillong, Nohprah 08
Ka Seng Samla Mawlai Pyllun (SSMP) kan pynlong ïa ka Mawlai Inter Dong da ki jingïalehkai bapher bapher lem bad kiwei ki prokram ki ban sdang naduh ka 18 tarik mynta u bnai haduh 23 tarik u Kyllalyngkot 2026.
Kine ki kynthup ïa ka Football, Basketball, Cricket, Mawpoiñ, Marathon, Arm Wrestling, ïakop kyntip (quiz), ïatai nia (debate) bad ka jingkop rwai nalor kiwei pat ki jingïalehkai na ka bynta ki khynnah kiba hapoh 12 snem rta.
Te kumta kane ka synjuk kan sdang shwa da ka Arm Wrestling ha Nongkwar Basic Secondary School, Mawlai Nongkwar ha ka 18 tarik mynta u bnai naduh ka por 11 baje mynstep.
