Shillong, Nohprah 08
Ki pulit pynïaid kali ka Shillong Traffic Police ha ka 8 tarik u Nohprah 2025 ki la pynlong ïa ka jingtalasi naphang ïa ki kali paidbah kiba tah ïit ïong, ha kaba bun ki kali ba tah ïit ïong, ki la shah tar noh ha ki pulit.
Kane ka jingtalasi ki pulit ha jingkieng Umshyrpi ka long shi bynta ka jingpyntreikam ïa ka jingbthah ka Sorkar Jylla ban pyntreikam pura ïa ka Motor Vehicles Act. Kane ka jingpyntreikam jong ka tnad pulit ïa ka Office Memorandum (OM) ka long ruh hadien ba ka Sorkar Jylla ka la pynmih ruh ïa Standard Operating Procedure (SOP) kaba khang ïa ki kali jong ki riew paidbah ban tah rong ïong ïa ki ïit kali, bad pyndonkam bakla ïa ki siren.
Lah ban kdew ba ha ka 30 tarik Naiwieng, ka Sorkar Jylla lyngba ka tnat Transport ka la pynmih ïa ki SOPs kiba la treikam mardor hapoh ka Jylla Meghalaya baroh kawei.
Ha kane jingtalasi ki pulit ki la ïoh bat bun tylli ki kali tah ïit ïong bad ki la tar naphang bad daiñ kuna ïa kiba pynkheiñ aiñ, katkum ki kyndon ka Motor Vehicles Act. Kat haduh mynta ym pat ïoh jingkhieñ haduh katno tylli ki pulit ki ïoh bat ïa ki kali ba pynkheiñ kyndon, hynrei la ïoh jingtip ba ki pulit kin dang ïai-bteng ban talasi ha kylleng ka nongbah Shillong.
Ki pulit ki la kyntu ruh ïa ki paidbah ba kim dei ban tah ïit ïong namar ba ka Sorkar kam shah shuh ïa kino-kino ki riew paidbah ba kin tah ïit ïong ha ki kali ki jong ki.
