Nongstoiñ, Nohprah 09
Ki pulit jong ka Nongstoiñ ha ka miet sngi Nyngkong ki la ïoh kem noh ïa uwei u briew uba la don 39 snem ka rta ïa uba la suba ba u dei u nongkhaïi drok hadien ka jingkhynra lang jong ki pulit ka thanad Nongstoiñ bad ka kynhun Anti-Narcotics Task Force (ANTF).
U Superintendent of Police ka West Khasi Hills u la ong ba ïa utei u briew uba la shah kem la tip kyrteng kum u Vicky Swer uba dei u khun jong u (L) Mahesh Singh bad u nongshong shnong ba shipor jong ka shnong Nondein bad la kynnoh ba u dei uba khaïi drok na kawei ka dukan die taiar ha ki thaiñ Nondein.
La ong ruh ba na ka liang ki pulit, ki la register ïa ka mukotduma katkum ki kyndon aiñ (NDPS), bad ka jingtohkit kaba bniah ka dang ïaid shakhmat.
Shuh shuh u la ong ruh ba ha ka jingkhynra, ki pulit ki la ïoh ban kurup 10.18 gram u drok Heroin, 89 tylli ki bilor thylli, ar tylli ki synduk sabon, 6 tylli ki Android Smartphone, ar tylli ki Keypad Phone, ka pisa ?60,498, bad kiwei-kiwei ki tiar kiba pyndonkam ha ki kam runar.
