Jowai, Nohprah 11:
Ka ïingkashari District & Sessions Judge, Jowai, u NA Khan ha ka 10 tarik Nohprah ka la rai pynrem ïa uwei u runar uba kyrteng u Wanbha Bhoi namar ka jingdonkti ha kaba leh beijot bad byrngem byrsit, da kaba set phatok 10 snem kynthih.
U Superintendent of Police, West Jaiñtia Hills District, Jowai u pyntip ba kane ka case ka dei kaba mih na ka jingujor ejahar ha ka 08 tarik Risaw 2018, da ka lanot hakhmat u Officer In-Charge ka thanad Nartiang.
Katkum ka ejahar la ong ba ha ka miet jong ka 07 tarik Risaw 2018, ha ka por kumba 8 baje mynmiet, u Wanbha Bhoi u la leh beijot ïa ka hapoh ka ïingsah jong ka da kaba byrthen ruh ban pynïap ïa ka lada kan ïathuh briew ïa kane ka jingjia.
Ki pulit ki la register case hapoh ka thanad Nartiang ha kaba ïa ka jingtohkit bad charge-sheet la khlieh da ka Women Police SI I. Kharpran.
Hadien ba la kut ka jingtian bishar, ka ïingkashari ka la rai pynrem ïa une u runar da kaba set phatok 10 snem ha ryngkat ka kuna kaba T.5000 hapoh ka kyndon U/S 376(1) IPC bad hapoh ka kyndon U/S 506 IPC la rai set phatok na ka bynta ar snem ryngkat ka kuna kaba T.1,000.
