Shillong, Nohprah 11
Ka Meghalaya Cricket Asso-ciation ka pynbna ïa ki kyrteng jong ka kynhun ba 15 ngut ki rangïalehkai jong ka, ki ban ïakhun na ka bynta ka Vijay Hazare Trophy 2025-26 (one day tournament) jong kiba la heh la san ne senior.
Ka Meghalaya ka ngat ha ka plate group ryngkat ka Manipur, Nagaland, Aruna-chal Pradesh, Bihar bad ka Mizoram.
Ka jingïalehkai ba nyngkong jong ka Meghalaya kan long pyrshah ïa ka Mizoram ha ka 24 tarik mynta u bnai. Baroh kine ki jingïalehkai kin long ha Ranchi.
U Dippu Sangma u la shah jied kum u kapten, katba u Ram Gurung kum u vice-captain.
Ïa ka jingkilanmet na ka bynta ka jingpynkhreh ïa katei ka lympung kan long ha ka 12 bad kan kut ha 20 tarik mynta u bnai ha Jagiroad, Assam.
Ki nongïalehkai bad ki nongïarap jong kane ka kynhun (support staff) na Shillong ki hap ban leit ha madan Polo, Shillong ha ka 11 tarik ha ka por 1:30 baje nohphai sngi na ka bynta ban leit sha Jagiroad, katba ki nongïalehkai bad ki nongïarap na Garo Hills ki dei ban poi ha Guwahati ISBT ha ka 11 tarik u Nohprah ha ka por 2 baje nohphai sngi bad nangtei yn sa ïalam ïa ki sha Jagiroad.
Ka kynhun kan mih na Jagiroad na ka bynta ban leit sha Ranchi ha ka 21 tarik.
Ki kyrteng ki nongïalehkai ka Meghalaya ki long u Kishan Lyngdoh, Arpit Bhatewara, Jaskirat Singh Sachdeva, Swastic Chettri, Kush Agarwal, Akash K Choudhary, Ram Gurung (VC), Dippu Sangma (C), Lerry G Sangma, Abhishek Kumar, Aryan Borah, Swarajeet Das, Anish Charak, Arien Bonchang Sangma bad u Riboklang Hynñiewta. Katba kiwei pat ki nongïalehkai ïa kiba la pynap lypa ki long u Arbin Singh, Rohit Shah, Chengkam Sangma, Bamanbha Shangpliang bad u Abhishek Gupta.
Ki nongïarap jong ka kynhun ki long u Moisten Ch Marak (Head Coach), Pyntngen Mark A Swer (Assistant Coach), Surojit Biswas (Physio), Vikash Singh Chauhan (Trainer) bad u Banteibor Lyngdoh (Manager).
