Jerusalem, Nohprah:
Wat hapdeng ka jingsngewkhia kaba jur halor ka jingpyrshang jong ka Hamas ban tei pat ïa ki kam jong ka ha Gaza bad pyndonkam ïa ki nongpynïaid jong ka pyrthei ban pynlong ïa ki kam thombor ha kylleng ka pyrthei, ka Israel ka la kyntu ïa ka India ban ñiew ïa ka Hamas kum ka seng lehnoh, da kaba kdew ba ka jingïadei kaba nang jur jong kane ka kynhun bad kiwei pat ki kynhun lehnoh kiba don ha Pakistan ki pynthut ïa kiwei pat ki kynhun lehnoh kiba don ha Pakistan, sha baroh arliang, ka India bad ka Israel.
Haba ïakren bad ki nongthoh khubor ha Jerusalem, uwei u heh ophisar na ka tnat kam bar ri jong ka Israel u la ong, “Ka jingkyrpad jong ngi ka long ba ka India ka dei ban trei shitom ban pynjari bad pynskhem ïa ki seng kum ka Hamas kum ki kynhun lehnoh. Ka Israel ka la pynskhem ïa ka Lashkar-e-Taiba katto katne snem mynshuwa. Ka Israel ka la ñiew ïa ka LeT kum ka kynhun lehnoh ha u snem 2023, kaba long ruh tang shibnai hadien ka jingshah thombor kaba shyrkhei kaba la jia ha ka 7 tarik u Risaw.
Kane ka long hadien ba ki shipai iada ri jong ka Israel (IDF) ki la pynbor kham mynshwa ïa ka India ban khang ïa ka Hamas, da kaba pynpaw ba kine ki ar tylli ki ri ki dei ki lehnoh. U Lieutenant Colonel Nadav Shoshani, uba dei u nongaiktien jong ka tnat shipai IDF, u la ong, “Kan long kaba bha lada ka India kan ñiew bad pynshai paidbah ï ka Hamas kum ka kynhun lehnoh. Ka India bad ka Israel ki don ïa kijuh ki nongshun. Kan long kaba bha ban don ka jingkren kaba shai shaphang ki jingïakynduh jong ngi.”
