Jowai, Nohprah 15
Ka ïingkashari District & Sessions Judge, Jowai, u NA Khan ha ka 24 tarik Naiwieng kala pynrem ïa u Hed Dkhar hapoh ka kyndon 323 IPC halor ka kam pynmynsaw.
Kane kala mih lyngba ka jingmudui ejahar da ka Kong Lucina Sapuh ha u ophisar Incharge ka Nartiang Police Investigation Cell (PIC) ha ka 15.10.2014 ha kaba la kynnoh ba u Thomas Dkhar bad u Hed Dkhar, kila thombor ïa u khun jong ka u Jimmy Sapuh ha ka jaka kaba tip ka Lumiongja.La kynnoh ba u Jimmy Sapuh u la shah shoh bad shah teh baroh shimiet ha katei ka khlaw bad bteng haduh ka step kaba bud.
Halor kane ka jingjia, la register ïa ka case ha Jowai PS katkum ka Case No. 241(10)14 U/S 365/307/34 IPC bad la tohkit bad Charge Sheet da u SI C Lamare.
Hadien ba la pynkut ïa ka jingbishar, ka kashari kala rai pynrem ïa u Hed halor ka kam runar U/S 323 bad la rai pynrem ïa u ban set phatok 6 bnai ryngkat ka kuna kaba T.1000 bad lada um lah ban siew ïa ka kuna un shah set phatok shuh-shuh sa 15 sngi.
