Ka jingïap ka long ka bor bad ka jingbuh beit jong u Blei. U briew um lah ban lait na ka jingïap. U briew u seng ki rukom lehniam ban ïoh pyllait im na ka jingïap. U hikai ruh ba lada ngi kohnguh ïa ki Hukum u Blei ngin sa ïoh ïa ka jingim ha ka akher ka sngi.
Hynrei long leh noh ei ïa ka jingthmu jong u briew. U Blei um ai lad ïa ngi ki briew ba ngin lait na ka jing-ïap. Ka jingïap ka la synshar naduh u Adam haduh u Moses haduh kine ki sngi kam ju kylla. Ym don jait niam ha pyrthei ba lah ban ada bad pyllait na ka jingiap. Ki jait niam bapher bapher kum ka niam Khristan, Muslim, Buddhist. Hindunism, Judaism, ka niam Sikh, ka niam Jainism bad kano kano ka niam kim lah ban ïada na ka jingap. Te ka myntoi ban long niam? U briew ba stad ne uba bieit kim lah ban leh ei ei halor ka jingap. Baroh ngi hap ban iehnoh ïa kane ka sla pyrthei haba ka rta ka la kynjoh sha ka shispah snem tam ne duna.
Ym don ba hok ym don ba pop, ym don basngaid, ym don ba khraw, ym don rangbah ym don khynnah, ym don ba ong ym don balieh. Baroh ki hap ban mad ïa ka jingïap. Ka jingïap kam ju peit shiliang ïano ïano ruh ka rat naphang lin ïa baroh. La kynthei ne shynrang la dkoh ne matlah ruh.
Ban pyllait na ka jingïap dei tang ka bor ka jong u Blei nongthaw nongpynlong ïa ngi ki briew bad ïa kei kiei baroh. Kane ka long ka sngi jong ka jingïap ne ka pop.
C. B. Iawphniaw
