Ha ka jingiohi jong nga kane ka rukom shim jait ha ngi ki Khasi kam pher lada ngi shim jait na u kpa ne na ka kmie ruh.Namar kane ka shim jait ka long tang ka rukom bud dustur kheiñ jait jong ngi ki briew katkum ka jinglong ki jaka.Namar kum ban shu ong ki don ki jaka kiba shit palat bad don ki jaka kiba shit haduh palat 40 degree bad don kiba ka jingshit ka long tang hapoh 40 degree bad don kiba ka jingshit ka long tang hapoh 30 degree.Don ruh ki jaka kiba jur slap tam ha pyrthei kum ka Mawsynram bad don ki jaka kiba duna slap kum ha ki jaka ri shyiap.Ka long kumjuh ïa ki briew kiba rakhe bad mane Blei na ka sngi Sabbaton bad kiba mane blei ha ka sngi Sunday ne Robibar. Kiba mane ha ka sabbaton lane ka Sunday ki ioh kumjuh ka jingieit na u Blei bad ym don kiba ioh kyrpang ka jing-ai ei na u Blei. Te kane ka jingshim jait jongngi kam ïarap eiei ban pynim slem ha ka rta lada ngi shim jait na u kpa ne na ka kmie ruh.Ki bun ki ri kiba shim jait na u Kpa. Ki kham im slem ban ïa ki ri ba shim jait na ka kmie. Kata lada ngi phai ha ka Bible phin shem ba ki briew ki im da ki spah snem palat.Dei namar ba ki shim jait na u kpa ki bun bha ha ki dewbah ka pyrthei ban ïa kiba shim jait na ka kmie.Sa da pyrkhat bha kano kaba kham bha ban shim ïa ka jait ym ban shu shim jait ba bud ïa u tnga. Kumta kane ka shim jait kpa ne kaba shim jait kmie ruh kaei jingmyntoi bad jingbha kumjuh khlem jingïapher haba ngi shim jait na ka kmie ne u kpa ruh. Kumta ka jingshim jait kam pher lada ngi shim jait na u kpa ne na ka kmie ruh.
C. B. Iawphniaw
