Shillong, Nohprah 17
Ka kynhun tem jingrwai ñiam, ka “Hearts of Disciples Band”, Shillong, ha ka jingpynïaid u President ka kynhun, u Bah Ban Rajee kan pynlong ïa ka Christmas Musical Concert 2025, ha Khyndai Lad, ha parking lot ha khmat jong ka O.B Shopping Mall, ha ka 20 tarik mynta u bnai naduh ka por 4 baje janmiet bad kan don ruh ka jingïalap na ka ktien ka jong U Blei da i Pastor J.S. MAWLONG. I M.P ka Shillong Parliamentary Constituency, I Bah Ricky Syngkon ruh in don ryngkat ha kane ka sngi. Ki kynhun tem kiban iashim bynta ha kane ka sngi ki long nalor ka Hearts of Disciples Band, Ka Christ Centred Band bad ki jingrwai na katto katne ngut ki nongrwai.
