Chennai, Nohprah:
Ki pulit ka Erode ha ka sngi U Blei ki la ai jingbit na ka bynta ka jingïalang paidbah jong ka Tamilaga Vettri Kazhagam (TVK) kaba la buh ban long ha ka 18 tarik u Nohprah, ha kaba u president ka seng u Vijay un pynbna ïa ka tarik ban pdiang ïa ki aplikeshon na ki kyrtong kiba kwah ban ïakhun ïa ka ilekshon sha ka Ïingdorbar Thawaiñ.
U Vijay un kren ha ka jingïalang paidbah ha Vijayamangalam, hajan ka Vijayapuri Amman Temple ha Perundurai naduh ka por 11 baje mynstep haduh ka por 1 baje nohphai sngi. “Ngi la aiti ïa ki jubab halor ki 84 tylli ki kyndon ba la buh da ki pulit, bad ïa ka jingïalang yn pynlong ha ka rukom kaba ryntih,” ong u KA Sengottaiyan, u nongpynïaid bahakhlieh duh jong ka seng.
U Sengottaiyan u la ong ba u Vijay un pynbna shwa ïa ka tarik ban pdiang ïa ki aplikeshon na ki kyrtong, hadien kane yn sa pynkut noh ïa ka thup kyrteng jong ki kyrtong bad yn sa pynbna paidbah. “Ka TVK ka sei ïa ka bor na ki paidbah ka Tamil Nadu. Da ka jingkyrshan jong ki, u Vijay un long u Myntri Rangbah ka jylla”, u la bynrap.
