Ki ksuid ki long ki jingthaw kiba don ha kylleng ki ri ka pyrthei. Ki ksuid mynshuwa ki ong ba ki don ki lum ki wah, ki khlaw ki btap, ki riat ki ram bad ki um ki wah. Kumta ki sa ong ki don ki ksuid lum ksuid wah. Hynrei mynta kim don shuh ha kitei ki jaka ki la wan shong wah sah ryngkat bad ki briew.
Ki ksuid ki sngewtynnad eh ban thok ban shukor ban leh ïa ki kam sniew pyrshah ïa ka jingbha. Kim ju kwah ban shong suk shongsaiñ ki kwah tang ban pynmih ki huri hura bad pynjot ïa kiwei. Ki ksuid ki kham jied ïa kaba sniew ban ia kaba bha. Ki ksuid ki nang eh ban khreh ban kjor bad pynshoi bad ïalam sha kaba sniew ïa ngi ki briew.
Hynrei ha kane ka juk ba mynta ki ksuid ki la nang kham sian bad kham stad ki la wad noh da kiwei ki lad ki lynti kumno ban pyniajan bad ngi ki briew. Mynta ki la lap bun ki buit thymmai ban pynphriang khubor lamler ha ki Social Media ban ioh leh ki kam pynshit pynheh bad kynnoh pharep pyrshah uwei ïa uwei para briew. Ki ksuid ki long ki jingthaw ba la rim ha kane ka sla pyrthei. Hynrei wat tieng ïa ki ksuid kim lah leh eiei ïa ngi ki briew.
C. B. Iawphniaw
