Shillong, Nohprah 17
Ha ka jingbudien ka Seng Samla Mawlai Pyllun ha ka jingïadei ka ban bujli ïa ki ‘pipe’ sam um hapoh ka Shnong Mawlai, pynban ha ka jingleit ban ïakynduh ïa u Chief Engineer PHE ha ka sngi Balang, ka seng ka la ïoh pdiang da ka jingthoh ba pyntip ba ka Tender Board ka la dep khot Tender na ka bynta ka Zone VIII (Mawlai).
Haba kren sha ki nongthoh khubor u president ka SSMP u Bah Samuel Biam u la ong ba ki la dep ïa ka joint Inspection bad ka tnad PHE ha kine ki sngi ba ladep naduh na Assembly ter-ter shaduh Mawlai Mawroh ba don ka top sam um ïa ka Shnong Mawlai baroh kawei.
Shuh-shuh u la ong u kontraktor u ba ban pyntrei ïa kane ka kam u la long ba pynkhreh ban pyntrei ïa kane ka kam, hynrei ïa kaba mynta u dang pan jingbit na ka ophis u PWD road Centre Division na ka bynta ban thep ïa ki pipe ïa ki surok ka PWD.
“Kumba ngi angnud mynta ka la urlong bad ngi kyrmen skhem ba ka kam kan urlong noh kloi” la ong u Bah Samuel Biam.
