Washington, Nohprah:
Uwei u professor jong ka skulbah Massachusetts ula shah siat ha iingsah jong u, u la khlad noh, ong ki heh jong ka campus jong katei ka skulbah.
U Nuno F Gomes Loureiro, 47 snem ka rta, uba dei u professor ha ka kam nuclear science bad engineering na Portugal, ula shah siat “bun sien” ha ka sngi Nyngkong bad ula khlad noh ha ka step jong ka sngi thohdieng ha hospital, ong ka khubor jong ki pulit jong ka Brookline bad ki heh jong ka Massachusetts Institute of Technology (MIT).
Ki pulit ki la iathuh ba ki ophisar ki la jubab ia ka jingsawa suloi ha kawei ka apartment ha ka por kumba 8:30 baje mynstep ha ka por jong ka thain. U Loureiro, u la shah pynkit da ka Ambulance sha ka jaka sumar ha Boston, ha kaba u la khlad noh ha ka step jong ka sngi thohdieng.
Ym don mano mano ba shah kem bad ki pulit ki khein ia katei ka jingjia kum “ka jingtohkit kaba dang iaid shakhmat bad kaba dang iaid shakhmat halor ka jingpyniap briew”, la ong ka ophis jong u nongiasaid ain jong ka thain Norfolk.
