Ka long kaei kaei ka maïan Blei ba ngi dei ban burom ïa la u kpa bad ïa la ka kmie. Ngi dei ban burom ruh ïa la ki para. Ki para ruh kin burom ïa la ki hynmen bad ki hynmen kin burom ïa la ki para.
Ka jingïaieit shipara ka long ka burom bah ïa ka iing ka sem bad ïa u kpa bad ka kmie. Nangta ngi dei ruh ban ieit ïa u Trai uba u Blei uba long u nongthaw nongpynlong ïa ngi ki briew bad ïa kiei kiei baroh. Ka wan sa ka bynta ba ngi dei ban ieit ïa la ki paramarjan bad ïa ki para briew baroh. Katba ïa ki khun ngi dei ban ieit kumjuh ïa baroh ngim dei ban ieit tang ïa uwei ne kawei napdeng ki khun.
Kam dei ka akor ïa ngi ki briew ba ngin ieit tang ïa ka khun khatduh ne ka khun nyngkong. Ngi dei ban ieit lang ïa baroh ki khun.
Kane ka long ka lynti ka akor ka burom bad ka jingsuk ha ka longbriew manbriew.Ka ktien u Blei ruh lyng-ba ki shiphew hukum ka ong.To burom ïa la u kpa bad ïa la ka kmie ba yn pynslem ïa ka rta jong me ha ka khyndew (Eksodos 20 : 12).
C. B. Iawphniaw
