New Delhi, Nohprah:
Ban ïarap ïa ki longkmie kiba trei ban ai ïa ka jingsumar bad jingïada kaba biang ïa ki khun jong ki, ka Centre ka pyntreikam ïa palat 2,000 tylli ki Anganwadi-cum-Creches (AWCC) ha ka ri.
Ha ka jingthoh ba la ai jubab, ka Myntri ka State of Women and Child Development ka Savitri Thakur ka la ong ba ki don 39,011 ngut ki khynnah kiba ïoh jingmyntoi ha kylleng ki 2,820 tylli ki AWCC.
Na ki 2,820 tylli ki AWCC, ka Delhi ka don bun eh ha kaba ka long 502 tylli, kaba ai jingmyntoi ïa 2,590 ngut ki khynnah. Ka Haryana ka don 290 tylli ki AWCC, kaba ai jingmyntoi ïa 6426 ngut ki khynnah. Bud sa ka Nagaland, ha kaba 270 tylli ki AWCC ki treikam katba 3122 tylli ki dei kiba ïoh jingmyntoi.
Ka Karnataka ka don 248 tylli ki AWCC, ha kaba ki don 5837 ngut ki nongïoh myntoi, katba ka Nagaland ka don 200 tylli ki AWCC bad 4243 ngut ki nongïoh myntoi.
