Gandhinagar, Nohprah:
Ka Parul University ka la ai khublei ïa ki Graduating Batch jong u snem 2025, da kaba pynlong ïa ka Convocation kaba 9 jong ka, ka jingïalang kaba la pynïasoh lang ïa kiba bun ki nongïalam ka ri bad pyndonburom ïa ki riewpawkhmat ryngkat bad ki hajar ngut ki nongpule kiba don jingkyrmen ban pyndep ïa ka jingpule.
Ka jingrung naduh ka khyrdop ka la pyni ïa ka jingphylla jong ka jingsarong, bad ka la long ka bynta kaba khatduh ba ki khynnah pule ki ïohmad ïa ka jingïaid lynti ha ka por ba ki dang don ha ka skulbah, katba ha kajuh ka por ka ailad ban don ha ka jaka sdang jong ka jingïaid lynti jong ki kaba hadien baroh lang.
Ha kane ka sngi, ki la don palat, 16,000 ngut ki samla pule ki la pyndep mynta u snem bad ha ka jingïakynduhlang kaba khatduh bad ha ka Convocation kaba 9 ha kaba la sakhi ïa ka jingdon lang jong ki 12,000 ngut ki samla pule na kylleng ki jait jingpule, bad palat 23,000 ngut ki nongwan, kynthup ïa ki samla pule, ki kmie ki kpa, ki paralok bad kiba haïing hasem. Ki riew pawkhmat jong ka ri kum u Myntri khynnah jong ka Home Affairs bad u Symbud Myntri Rangbah jong ka Gujarat, u Harsh Sanghvi, u nongthoh khubor ba pawnam bad u Chairman & Editor-in-Chief jong ka India TV, u Rajat Sharma, ka nongïalehkai Olympic ba pawnam ha ka Boxing ka MC Mary Kom, ka Entrepreneur & Shark Tank India Judge ka Vineeta Singh bad ka nongïalehkai Tennis ka Sania Mirza, ki la pynphuh pynphieng ïa kane ka sngi kum u Kongsan bad ki symbud kongsan, bad ka la ai ïa ki jingmut bad jingai mynsiem jong ki sha ki khynnah pule kiba la pyndep ïa ka jingpule.
Ka jingrakhe mynta u snem ka la pynpaw pyrthei ïa ki 104 ngut ki nongïoh takma ksiar bad 44 ngut ki nongïoh khusnam. Ïa ka President’s Medal la sam sha ki 3 ngut ki samla pule barim kiba pawnam kiba la wanrah ïa ka burom kaba phylla ïa ka skulbah lyngba ki jingjop ha ka kam jong ki bad 3 tylli ki Startup na ka bynta ka mynsiem seng kam seng jam jong ki.
Ka jingrakhe ka long kaba phylla, bad ki samla pule ki la dap da ki jingsngew ba sngewrit. Katba bun na ki samla pule ha kata ka sngi ki dang sngewkmen ha kata ka khyllipmat ban rakhe ïa ka jingkut jong kawei ka lynnong jong ka jingim jong ki, ki la kam ruh ba kane ka dei tang ka jingsdang jong kawei pat.
Lyngba kane ka Convocation kaba 9 kaba jop, ka Parul University ka pynskhem biang ïa ka jingpyrshang jong ka ban bteng ban pynkupbor ïa ki jingmut jingpyrkhat jong ki samla bad ban pynroi ïa ki nongïalam kiba noh synñiang kiba don jingmut sha ka pyrthei.
Ha ka jingpynbna mynta u snem, ka skulbah ka la ithuh ruh ïa ka jingthmu kaba ïadei bad ka imlang sahlang kaba la ktah bha ïa ki shnong ki thaw. Ka Parul University ka la ïatreilang bad ki kynthei nongkyndong kiba shna jingshna ban pynmih palat 16,000 tylli ki jaiñ Khadi ba la shna da ka kti na ka bynta ki samla pule kiba dang pyndep ïa ka jingpule. Nalor ba ka la ai lad kamai ïa ki kynthei, ka la pynkiew ïa ka jingtbit jong ki.
Ka la ïarap ruh ban pynneh pynsah ïa ka pateng jong ka Khadi India katba ka dang kyntiew ïa ka jingim nongkyndong bad kumjuh ruh ban pynïaid shakhmat ïa ki jingïakhih jong ka ri ‘Vocal for Local’ bad ‘Make in India’. Ka jingkmen kaba kongsan tam jong kane ka jingïalang ka long ka jingai khublei ïa ki nongïalehkai ba pawnam ha baroh ki jait jingpule.
Shuh shuh, kane ka jingïalang ka la ithuh ruh ïa ka kynhun ba pawnam jong ki 135 ngut ki riewstad PhD bad la ai khusnam ïa ki na ka bynta ki jingjop ba bha jong ki ha ka jingwad bniah bad ka jingtbit ha ka jingpule. Ki khusnam kim pynpaw tang ïa ka jingtbit hynrei ki pynpaw ruh ïa ka jingaiti bad jingminot jong ki Klas ba la pyndep ïa ka jingpule jong u snem 2025.
