Shillong, Nohprah 19
Ka Meghalaya Football Association (MFA), ha ka sien ba nyngkong ka pyntip ba kan pynkup burom ïa la ki khlur ïalehkai barim bad ba la shongthait, ki coach bad kumjuh ïa ki referee, kiba lyngba jong ki, ki la lah ba kin ïai bteng ban rah sha ki kliar lum jong ka nam ïa kane ka jingïalehkai.
Kane ka jingpynkup burom ïa kine baroh, kan long da ka jingïalang kaba la buh ban long ha ka miet lah sngi u Blei ka taïew ka ban wan, ka ban long ha State Convention Centre naduh ka por 6 baje janmiet.
Ha kane ka kynti kumba 40 ngut ki nongïalehkai ba pawkhmat kynthei bad shynrang, yn pynkup burom ïa ki da ka MFA, kum shi bynta ban pyrto ïa ka jinglen lade bad aiti met bad mynsiem ka jong ki ban kyntiew ïa ka jingïalehkai phutbol hangne hapoh ka Jylla.
Kane ka jingpynkup burom ka long ruh ba ka MFA ka kwah ba kan pynpaw bad ai mynsiem lem ïa ka pateng kaba mynta.
Ki kyrteng kiba ka MFA kan pynkup burom ha kane ka janmiet ba kyrpang ki long (L) Fullmoon Pyrtuh, Pele Lyngdoh, Wiwon Kurbah, Weilad Passah, Rocus Lamare, Marlangki Suting, Eugeneson Lyngdoh, Aiborlang Khongjee, Lekini Suting, Ailad Kharngapkynta, Poibiang Pohshna, Bevan Marbaniang, Larry Diengdoh, Samuel Shadap, (L) John Shadap, Berland Syngkon, Romeo Suklein, Chanmitre Thma, Kyntiew Shaphrang Kharluki, Enestar Malngiang, Shaiborlang Kharpan, Rupert Nongrum, Pynkhrawbok Kurbah, Aenam Graffenberg Jyrwa, Banlam Nongkynrih, Aiborlang Thangmaw, Ricky John Shabong, Lionel Daryl Rymmei, Halen Nongtdu, Samuel Lyngdoh Kynshi, Bonifilia Shullai, Alisha Lyngdoh, Fragrancy Riwan, Ribansi Jamu, Manbhakupar Malngiang, Banlamkupar Rynjah, Ribahunshisha Kharshiing, Ronney Wilson Kharbudon, Hering Shangpliang, Riiohlang Dhar.
