Mawkyrwat, Nohprah 19
Ka Mawkyrwat District Sports Association ( MDSA) ha ka 16 tarik u Nohprah 2025 ka la pynlong ïa ka General Meeting ban pynthymmai ïa ki Nongkitkam na ka bynta ka samoi treikam jong u snem 2025 haduh 2028, ha Multipurpose Hall, DC ophis, South West Khasi Hills District.
Ha kane ka sngi la wan ban ïashim bynta da ki President bad Secretary jong ki 96 tylli ki ‘Affiliated Clubs’ jong ka distrik.
Ha kane ka sngi jied nongkitkam ba thymmai jong ka MDSA, la pynïaid ïa ka jingïalang da u Bah F. B Basan, ADC, South West Khasi Hill’s District ha ryngkat ka jingdonlang u Bah D. Syngkon, District Sports Officer, South West Khasi Hill’s District ryngkat ka jingdonlang u, Dr. L Mawsor, Vice President MFA bad u, Bah Resin Nongsiej, Executive Member MFA kum ki Observer.
Ki Nongkitkam ba thymmai jong ka Mawkyrwat District Sports Association ki long President, Bah B Mawlong, Deputy Commissioner SWKHD, Working President Bah Y .G Lyngdoh, Vice President Bah Layingstar Lyngdoh, Bah Synshar Lyngkhoi bad Bah Elevenson Wanniang bad General Secretary Bah Khrawkupar Shangdiar, Asst Secretary, Pynskhem Jyrwa, Treasurer Bah Kyrshanbor Marweiñ bad ïa ki Executive Member bad ki tnat treikam bapher-bapher la shaniah ha ka Body thymmai ban pynbeit.
Ha kane ka sngi la ïoh ruh ïa ka jingkren ai khublei na u Bah Y. G Lyngdoh, Working President u ba la ai khublei ïa baroh ki President, Secretary, DC, ADC DSO, MFA bad ïa ki Staff jong ka DC office kiba la ïarap ban pynlong ïa kane jingpynthymmai nongkitkam ka ba jop.
