Shillong, Nohprah 21
Ka Dorbar Dong Demseiniong Laitumkhrah, Shillong kan pynlong ïa ka jingpynkhuid Dong kaba shisien shisnem ha ka 22 tarik mynta u bnai naduh ka por 8 baje mynstep. Ha kane ka sngi, baroh ki dukan bad ki karkhana khaïi bapher bapher kiba hap hapoh u pud u sam jong ka Dorbar Dong Demseiniong kin khang lut haduh ka por 1 baje mynsngi.
Ka Dorbar ka kyntu ruh ïa ki kali paidbah ba kin kiar ban ïaid na kane ka surok ha kane ka sngi lait noh tang haba don ki kam kyrkieh namar ka jingkhim ka surok bad khnang ba ka jingpynkhuid dong kan ïaid beit ïaid ryntih.
