Shillong, Nohprah 22
Ïa ka Mawlai Games & Literary Fest 2026 yn sdang naduh 5 tarik haduh 10 tarik u Kylla -lyngkot 2026.
U nongaiktien ka MG&LF uba dei ruh u Organising Secretary, u Bah Elmer R. War ula pyntip ba shwa ban sdang ka MG&LF ha ka 5 tarik, kan don shwa ka jingmareh marathon ha ka 3 tarik ha ka por 6 baje mynstep ka ban sdang na Madan Heh bad ha kajuh ka sngi yn bud pat sa ka jingplie ha ka por 12 baje shiteng sngi.
Haba ïadei bad ka Marathon, u Secretary ka Athletics ka MG&LF, u Bah Bining-star Lyngkhoi u la ïawer sngewbha ïa baroh ki nong Mawlai sha kane ka marathon kiba kynthup naduh ki khyllung ki khynnah, ki samla lem bad ki rangbah.
Ïa ka jingmareh mara-thon la phiah ha ki ar bynta bad kata ka long Junior boys & girls kiba hap ha ka thup Under -16 bad ka jingjngai jong ka jingmareh na ka bynta kane ka kyrdan ka long 4km bad kawei pat ka thup ka dei ka Senior Category jong ki kynthei bad shynrang bad ka jingjngai jong kane ka jingmareh kan long 8Km.
U Bah Bining u la pyntip ruh ba lada don ki para nong Mawlai kiba kwah ban shim bynta ha kane ka marathon ki lah ban wan ai kyrteng ha ka 2 tarik u Kyllalyngkot ha Madan Heh naduh ka por 12 baje shiteng sngi haduh 3 baje nohphaisngi bad shim syndon ruh ïa ki bib ne ki chest number.
Ha kaba ïadei bad ka Arm Wrestling, u Secre-tary incharge ka Arm Wres -tling, u Bah Roy Mylliem Umlong u la pyntip ba kiba kwah ïashim bynta ha kane ka jingïalehkai kin wan ha ka 6 tarik u Kyllalyngkot 2026 ha phyllaw skul jong ka Mawlai Presbyterian HSS, Mawlai Ïewrynghep naduh ka por 10 baje mynstep na ka bynta ban thew ïa ka jingkhia ne ka weigh-in. Ka Arm wrestling kan long ha ka 7 tarik u Kyllalyngkot 2026.
Ha ka Boxing pat, u Secretary ka Boxing u Bah Larry Kharpran u la pyntip ba ki para nong Mawlai kiba kwah ban ïashim bynta ha kane ka jingïakura kynthup ïa ki kynthei bad shynrang ki dang lah ban wan thep kyrteng ha ka 29 tarik u Nohprah 2025 ha Indoor Stadium, Mawlai Maw-roh bad thew syndon ïa ka jingkhia ka jong ki naduh ka por 9 baje mynstep.
