Shillong, Nohprah 22
Ha ka nohphai sngi jong ka 22 tarik u Nohprah 2025 ki ïing shongwai ba la longtrai da ka Kong Ibadalynda Rangslang ki la kylla dpei hadien ba ki thylliej ding ki la bamduh tang ha ki katto katne por, kaba la jia ha ka shnong Mawlai Nonglum (block-ii) kaba la jia ha ka por 12 shiteng mynsngi.
Katkum ka jingïohlum jingtip, ka jingpluh ka la sdang na ka ïingsah jong u Bah Don Rangslang kiba sah kumba hynñiew ngut eiei bad nangne kane ka ding ka la nangpur sha ka ïing jong ka Kong Beautilin Sawkmie bad Kyntiew Riti Sawkmie kiba sah tang arngut shi kmie shi khun.
Ki pulit jong ka Fire & Emergency Service mar ïa ïoh jingtip ïa kane ka jingjia ki la poi ha katei ka jaka ban pynlip ïa ki thylliej ding ba la bamduh ïa kitei ki ïing bad kiba la lah ruh ban pynlip ïa ka ding.
Haba ïadei bad ka jinglut jingsep, ki trai jong ka ïing ki la batai ba kim lah kheiñ shuh ïa ka jingduhnong namar baroh ki tiar ki tar kiba don hapoh ka ïing ki la ingkhong lut khaid bad pynpaw ba ka jingduhnong ka la bun.
