Naduh ki por mynbarim bun kiba len ïa u Jisu. Ym dei tang u Petros ba len ïa u Jisu, uba kham shyrkhei tam dei u Judas Iskariot uba la die ïa u Jisu tang da ki lai phew ki sbai rupa. Nangta da ki rangbah Lyngdoh ki nongthoh, ki pharisi bad ki tymmenbasan ki la ïa wad sakhi pyrshah ïa u Jisu ïa ka ban pynïap noh ïa u. Shuh shuh u Jisu u la ong ha ki rangbah Lyngdoh ki rangbah ka templ bad ha ki tymmenbasan kiba la wan kam ïa u kum ban kem ïa u nongtuh.
Nalor ki Jiw ruh ki kyntait ïa u Jisu. Don na ki pha-risi kiba la sylla pyrshah ïa u Jisu. U Jisu ha khmat u Pilat, ki rangbah Lyngdoh baroh bad ki tymmenbasan jong u paidlang ki la ïa sylla shaphang u Jisu. Bun na ki rangbah haba ki la pyrthuh beiñ lem bad ki nongthoh bad ki tymmenbasan ki la ïa ong, u la pynim ïa kiwei, ïa lade pleng um lah ban pynim. Kumta u Jisu u pynrem ïa ki nongthoh u da ong, Te kiar na kita ki nong-thoh kiba kwah ban ïaid kai ha ki jaiñkup ba jynsur bad ïa ki jingnguh ha ki ïew bad ïa ki jingshong bakor tam ha ki synagog bad ïa ki jaka kiba kham don burom ha ki jingkhawai, kiba bam duh ïa ki ïing ki riew kynthei bad kiba duwai jlan ruh khnang ban tyllep ïa ki kam bym dei jong kiba ki leh.
Te bun na ngi ki burom tang ha ka rmiang shyntur watla ki rakhe ïa ka kristmas shuwa bad hadien ka kristmas ruh bun kiba len ïa u Jisu kum ha ki por mynshuwa.
C. B. Iawphniaw
