New Delhi, Nohprah:
U President jong ka All-India Congress Committee (AICC) u Mallikarjun Kharge ha ka sngi U Blei u la pyrshang ban pynduna ïa ka jingïakynad ka kynhun ki nongïalam kaba la mih khubor ba ka la long hapoh ka seng ha kane ka jylla, da kaba pynskhem ba ka “jingkulmar” ka dei ha ka kyrdan jong ka jylla bad kam dei kaba la thaw da ki bor synshar bahalor jong ka seng.
U la kyntu ïa ki nongïalam shnong ban shim ïa ka jingkitkhlieh bad ban pynbeit ïa ki jingeh hapoh ka ri, da kaba pynpaw ba ïa ka Congress la tei da ki nongtrei jong ka ym da uno uno u briew shimet. U la ïathuh ha ki lad pathai khubor ba ki nongïalam ka party ha Delhi kim shym la pynmih ïa kano kano ka jingïakajia hapdeng u Myntri Rangbah ka jylla u Siddaramaiah bad u Symbud Myntri Rangbah ka jylla u D.K. Shibakumar. “Ki jingeh, lada don, dei ban pynbeit ha kane ka jaka. Ka kynhun nongïalam bahalor kam shym la thaw kano kano ka jingkulmar”, u la ong, da kaba khot ïa ka jingïatylli bad ka jinglong ryntih hapoh ka seng.
