New Delhi, Nohprah:
Ki shipai ka tnat India Army ki la sdang ïa ka rukom ban ïoh ïa ki suloi 9-mm ban pynkhreh ïa ki briew jong ki ban ïaleh pyrshah ïa ki nongshun na ki jaka bajan. Ïa kane la bud sa ka jingpynrung ïa ki suloi Light Machine Guns (LMGs) bad ki Close Quarter Battle (CQB) Carbines.
Kane ka jingthied thymmai kan long hapoh ka ‘Make-in-India’ bad ka Aatmanirbhar Bharat lane ka jingshaniah ha ka kam ïada ri. Ka Ministry of Defence (MoD) ka la pynmih ïa ka Request For Information (RFI) ban thied shi lak tylli ki suloi 9-mm trai ri trai muluk na ka bynta ki shipai India.
Katkum ka RFI, ka jingthied ïa ki pistol kan long ryngkat bad ki tiar pyndonkam, kynthup ïa ki jingpeit ha ka por mynmiet bad ki lad ban thmu ïakhun pyrshah. Ki pistol, namar ba ki kham jem bad ki suk ban pyndonkam bad kiba stet ban treikam, ki don ka bynta kaba kongsan ha ki jinglong jingman jong ka jingpyntreikam kaba jan ne ka thma ha sor, kynthup ïa ka jingïasiat pyrshah ïa ki lehnoh bad ïaleh pyrshah ïa ki lehnoh, ha ki jaka ba la buh. Ka jingthmu ka long ban bujli noh ïa ki suloi kiba don 9mm Semi-Automatic, kiba la pyndonkam da ki Maga-zine na Rifle Factory Ishapore da kito ki ban sa thied ha ki por ban wan. La khmih lynti ba kine ki pistol thymmai kin don ïa ki jingpynïaid ba ar kti, ki jingpynhiar bad ki rel ba pyndonkam ban pynthymmai ïa ki tiar kiba rim.
Kumba ka long mynta, ki shipai ha ki kynhun shipai ba kyrpang jong ki shipai India ki pyndonkam ïa ki suloi 9-mm ba la wanrah nabar ri. Ka RFI ka wad jingtip na ki nongsam/nongshna ryngkat bad ka jingpynbeit na ka bynta ka jingpynwandur thymmai ha ka lawei bad ka Transfer of Technology (ToT).
Ïa kine ki tiar ïaleh shimet yn pyndonkam da ki shipai kiba la buh ha baroh ki jaka kum ha ki jaka madan, ki jaka khlaw bad ki jaka lum kiba jrong (haduh 18000 phut) bad ki jinglong jingman jong ka mariang kiba ïadei bad kane.
Ka jingthmu ka long ban sdang ban pynmih license ïa ki suloi ryngkat bad ki tiar pyndonkam hadien ba la ïoh ïa ka Transfer of Technology (lada ka long kaba donkam). Ka DRDO bad ki shipai India ki la dep shna ïa ka tiar kaba 9-mm na ka bynta ban ïaleh pyrshah ïa ki kynhun kieng atiar bad ïa ki lehnoh, kaba kynthup ïa ki bynta ba la shon jong ka 3D bad ka jingtreikam kaba khlaiñ bor.
Katkum ka RFI, ka suloi 9-mm ka dei ban treikam ha ka por mynmiet la bad sngi ha ki jinglong jingman kiba ïadei ha baroh ki jaka. Ka dei ruh ban treikam ha ki jaka ba shit ka long naduh (-) 30 haduh 55 Celsius.
Katba ïa ka jingmut jingpyrkhat jong ka jingshna, ka RFI ka la ong ba ka pistol ka dei ban long kaba biang ha ka jingshna na ka bynta ban pynbha ha ki por ban wan lyngba ki jingpynkylla kiba suk, ym ban ïalam sha ka jingshna ne jingkylla ha ka rukom shna.
Kane ka suloi 9mm ka long hadien ka jingpynrung ïa ki suloi LMG bad Carbines, ki tiar jong ki shipai ka tnat, ka kynhun phah khubor, ka la ong ba kan ïoh ïa ka jingkyntiew bor siat kaba khraw kaba sdang naduh kaba sdang jong u snem ban wan, ha kaba ka Israel Weapon Industries (IWI) ka la pynthikna ïa ka jingpynpoi ïa ki suloi ba nyngkong jong ki suloi 40,000 LMG. Ïa ka jingïateh ban pynbiang mar la ïasoi ha u snem ba la dep.
Ka IWI ka dang don ruh ha ki bynta ba khatduh ban ïoh sa kawei pat ka kontrak kaba heh ban pynbiang haduh 1.7 lak tylli ki tiar siat Close Quarter Battle (CQB) jong ka juk thymmai, shi bynta na ka jingdonkam jong ka Ministry of Defence (MoD) kaba long 4.25 lak tylli ki tiar siat 5.56×45 mm hapoh ka ‘Buy cagory)’. Katba ka Bharat Forge ka dei ka nongbuh dor ba kongsan, ka PLR Systems-ka bynta jong ka Adani Group kaba don ka jingïatreilang bad ka IWI-kan pynpoi 40 percent ïa ki Carbine.
