Shillong, Nohprah 28
Ka lympung ïalehkai Third Division Cricket League 2025-26 ba la pynïaid da ka Shillong Cricket Association (SCA) ka la nangjam shaphrang ha kaba ka Youthstars bad ka Sales Xl ki la khur jingjop ha ka sngi U Blei.
Ha kane ka jingïakhun kaba la long ha madan Urkaliar, Shillong ka Youthstars ka la pynliem noh ïa ka Elite Xl da 7 wiket. Ka Elite Xl kaba la jop ïa ka kynting pisa, ka la kam trai ba kan tied nyngkong ha kaba ka la kamai 122 run bad shah pynkhyllem 9 wiket ha ki 20 over. Haba wan shimti ïa ka pali tied kaba ar, ka Youthstars ka la lah ban kynjoh sha ka thong ha ki 16.3 over bad kamai 123 run bad shah pynhap tang 3 wiket.
Haba phai sha kawei pat ka jingïakhun kaba ar, ka Sales Xl ka la jop da 96 run ïa ka Knight Dive. Ka Sales Xl kaba la kam trai ban tied nyngkong, ka la kamai 218 run bad shah pynkhyllem baroh ki nongtied ha ki 19.1 over. Haba wan beh ïa ka thong, ki nongtied ka Knight Dive ki la shah pynkhyllem baroh bad kamai tang 122 run ha ki 17.3 over.
